وزیراعظم کو مستعفی ہونے پر مجبور کیا جارہا ہے

برطانوی میڈیا کا کہنا ہے کہ لندن حکومت کے بیشتر وزرا اس بات پر متحد ہو گئے ہیں کہ وزیراعظم کو مستعفی ہونے پر مجبور کیا جائے۔

اخبار سنڈے ٹائمز نے رپورٹ دی ہے کہ برطانیہ کی کابینہ کے وزرا نے اس بات سے اتفاق کر لیا ہے کہ وزیراعظم تھریسا میے کو مستعفی ہو جانا چاہئے۔
تھریسا میے کے قریبی ساتھیوں کا بھی کہنا ہے کہ انھیں مستعفی ہو جانا چاہئے اور وہ مستعفی ہونے پر غور بھی کر رہی ہیں۔ بعض خبروں میں بتایا گیا ہے کہ تھریسا میے یورپی یونین سے علیحدگی کی تاریخ انتیس مارچ سے قبل مستعفی ہو سکتی ہیں۔
اخبار سنڈے ٹائمز نے سروے نتائج کی طرف اشارہ کیا ہے جس میں برطانوی عوام کو اب وزیر اعظم سے کوئی امید نہیں رہی ہے۔ برطانیہ میں رائے عامہ کے تازہ جائزوں کے نتائج سے پتہ چلتا ہے کہ عوام کی اکثریت، بریگزٹ کی حمایت سے پیشمان ہو گئی ہے۔
یہ ایسی حالت میں ہے کہ کئی لاکھ برطانوی شہریوں نے یورپی یونین سے علیحدگی کے خلاف لندن کی سڑکوں پر مظاہرے کیے۔