عالمی طاقتیں دہشتگردی کو اسلام سے منسلک کرنا چاہتی ہیں

پاکستانی سینیٹ میں داخلہ امور کی کمیٹی کے چیئرمین رحمن ملک نے کہا ہے کہ دہشت گردی اور انتہا پسندی کو اسلام سے جوڑنا عالم اسلام کے خلاف سامراجی طاقتوں کی ایک بڑی سازش ہے۔
پاکستان کے سابق وزیرداخلہ اور سینیٹ میں داخلہ امور کی کمیٹی کے چیئرمین رحمن ملک نے کہا ہے کہ اسلامی تعاون کی تنظیم اور اقوام متحدہ کو چاہئے کہ وہ سامراجی طاقتوں کے ذریعے اسلامو فوبیا پھیلانے کی پالیسی کے خلاف قرار داد پاس کریں۔
انہوں نے کہا کہ اسلاموفوبیا پھیلانے کی کوشش صیہونیوں کی ایک بڑی سازش ہے جو فلسطینی مسلمانوں کی آزادی کی تحریکوں کو کمزور کرنے کے لئے کی جارہی ہے۔
رحمن ملک نے کہا کہ اسلاموفوبیا ایک ایسی آئیڈیالوجی ہے جس کو اسلام دشمن ملکوں خاص طور پرغاصب صیہونی حکومت نے پیش کی ہے اور وہ اس کے ذریعے مسلمانوں کا مقابلہ کر رہے ہیں۔