داعشی دہشتگردوں کی برطانیہ میں کوئی جگہ نہیں

برطانوی وزیرداخلہ نے کہا ہے کہ داعش کے عناصر کو ملک میں واپس نہیں آنے دیا جائے گا۔

برطانوی وزیر‍ داخلہ اخبار ڈیلی ٹیلی گراف میں اپنے ایک مقالے میں لکھا ہے جو داعشی عناصر برطانیہ لوٹنا چارہ رہے ہیں وہ باز پرس اور قانونی کارروائی کے لئے تیار رہیں بصورت دیگر انہیں واپس لوٹنے کی اجازت نہیں ہوگی۔

ان دنوں داعش سے وابستہ ایک برطانوی کمسن بچی کی واپسی کا معاملہ برطانیہ میں موضوع بحث بنا ہوا ہے۔

برطانوی وزیر داخلہ ساجد جاوید نے کہا کہ جن لوگوں نے برطانیہ کو ترک کردیا  اور داعش میں شامل ہوگئے وہ برطانیہ سے متنفر تھے۔

خبروں کے مطابق چھے سو سے زائد برطانوی شہری دہشت گرد گروہوں خاص طور پر داعش گروہ میں شامل ہونے کے لئے عراق اور شام گئے تھے اور اب جبکہ داعش کو شکست ہوچکی ہے تو یہ بچے ہوئے عناصر اور ان کے گھر والے بتدریج واپس برطانیہ لوٹ رہے ہیں۔

عراق اور شام میں داعش کی شکست کے بعد یورپی ملکوں کے داعشی عناصر کی اپنے اپنے ملکوں میں واپسی کے خوف سے یورپ میں سخت تشویش پائی جا رہی ہے۔