یمنی فوج اور عوامی رضاکار فورس نے جارح سعودی اتحاد کے حملوں کے جواب میں سعودی عرب کے جنوبی صوبے عسیر میں فوجی ٹھکانوں پر میزائلوں سے حملہ کیا ہے۔

یمنی فوج اور عوامی رضاکار فورس نے اپنے بیان میں کہا ہے کہ انہوں نے زلزال ایک بیلسٹک میزائلوں سے سعودی عرب کے جنوبی صوبے عسیر میں سعودی فوجی ٹھکانوں پر حملہ کیا-

اس درمیان یمنی فوج کے اسنائپروں نے بھی یمن کے مغربی ساحل پر چار سوڈانی فوجیوں کو موت کے گھاٹ اتار دیا-

یمنی فوج کے توپخانے کے یونٹ نے بھی یمن کے مغربی صوبے الحدیدہ کے جنوب میں واقع الفازہ علاقے میں سعودی فوجی ٹھکانوں پر حملہ کیا-

قبل ازیں سعودی عرب کے جنگی طیاروں نے یمن کے شمالی صوبے صعدہ اور مغربی بندرگاہ الحدیدہ پر وحشیانہ بمباری کی جس میں چالیس سے زائد یمنی شہری شہید اور زخمی ہو گئے-