یمنی فوج کے میزائل حملے میں سعودی فوجی ہلاک

یمنی فوج اور عوامی رضاکار فورس نے جمعرات کے روز مغربی ساحل پر واقع سعودی اتحاد کے فوجی ٹھکانوں پر میزائل سے حملہ کیا ہے۔

یمن کی عوامی تحریک انصاراللہ کی ویب سائٹ کے مطابق کم فاصلے پر ماے کرنے والے میزائل حملے میں سعودی اتحاد کے فوجیوں کو خاصا جانی و مالی نقصان پہنچا۔

یمنی فوج کے میزائل یونٹ نے بدھ کی رات بھی سعودی اتحاد کی وحشیانہ جارحیت کے جواب میں جنوبی سعودی عرب کے علاقے جیزان میں واقع الخوبہ اور المنتزہ کے علاقوں میں سعودی فوجی ٹھکانوں کو زلزال ایک قسم کے چار میزائلوں سے نشانہ بنایا۔

سعودی عرب کی جانب سے یمن کے مکمل محاصرے کے باوجود سعودی اتحاد کی جارحیت کے مقابلے میں یمنی فوج کی دفاعی توانائی میں مسلسل اضافہ ہوتا جا رہا ہے۔

مشرق وسطی کے اس غریب اسلامی ملک پر سعودی عرب اور اس کے اتحادیوں کی وحشیانہ جارحیت کے نتیجے میں چودہ ہزار سے زیادہ یمنی شہری شہید اور ہزاروں زخمی ہو چکے ہیں جبکہ لاکھوں افراد کو اپنا گھربار چھوڑ نے مجبور ہونا پڑا ہے۔