تاریخ شائع کریں2018 16 September گھنٹہ 12:51
خبر کا کوڈ : 359532

سابق مصری ڈکٹیٹر حسنی مبارک کے بیٹے گرفتار

بیٹوں کو اسٹاک مارکیٹ میں بد عنوانی کے زیر سماعت کیس میں گرفتار کرنے کا حکم دے دیا۔
اعلیٰ مبارک اور جمال مبارک کے علاوہ 7 افراد پر اسٹاک مارکیٹ اور مرکزی بینک کے قوانین کی خلاف ورزی کرتے ہوئے مصر کے ال وطنِ بینک کے شیئرز سے غیر قانونی منافع کمانے کا الزام ہے۔
سابق مصری ڈکٹیٹر حسنی مبارک کے بیٹے گرفتار
مصر کی عدالت نے ملک کے سابق معزول صدر حسنی مبارک کے 2 بیٹوں کو اسٹاک مارکیٹ میں بد عنوانی کے زیر سماعت کیس میں گرفتار کرنے کا حکم دے دیا۔

عرب نیوز کے مطابق مصر کی سرکاری نیوز ایجنسی مینا کی رپورٹ میں بتایا گیا کہ اعلیٰ مبارک اور جمال مبارک کے علاوہ 7 افراد پر اسٹاک مارکیٹ اور مرکزی بینک کے قوانین کی خلاف ورزی کرتے ہوئے مصر کے ال وطنِ بینک کے شیئرز سے غیر قانونی منافع کمانے کا الزام ہے۔

خیال رہے کہ اس کیس کا آغاز 2012 میں ہوا تھا اور بیشتر ملزمان نے ضمانت حاصل کرلی تھی لیکن ان کے ملک چھوڑنے پر پابندی عائد کی گئی تھی۔

رپورٹ کے مطابق سابق صدر حسنی مبارک کے بیٹے اعلیٰ ایک بزنس مین ہیں جبکہ ان کے بیٹے جمال سابق بینکر ہیں اور دونوں کی ضمانت 2015 میں منظور ہوئی تھی۔

عدالت میں مذکورہ کیس کی آئندہ سماعت 20 اکتوبر کو ہوگی۔

یاد رہے کہ حسنی مبارک، ان کے وزیر داخلہ اور 6 ساتھیوں کو 2012 میں مقدمے میں عمر قید کی سزا سنائی گئی تھی۔

لیکن 2014 میں ایک دوسری عدالت نے عمر قید کی سزا کے فیصلے میں تکنیکی خامیاں نکالتے ہوئے اسے کالعدم قرار دے دیا تھا جبکہ مظاہرین کی ہلاکتوں کے حوالے سے فوجداری الزامات کو مسترد کردیا تھا۔

واضح رہے کہ 2011 میں پولیس اور حسنی مبارک کے حامیوں کے ساتھ جھڑپوں اور تصادم میں سیکڑوں مظاہرین ہلاک ہوئے تھے۔
https://taghribnews.com/vdcgwy9wxak9nn4.,0ra.html
آپ کا نام
آپکا ایمیل ایڈریس
سکیورٹی کوڈ