QR codeQR code

’منگکھٹ‘ فلپائن کے ساحل سے ٹکرا گیا 16 ہلاک

طاقت ور سمندری طوفان ’منگکھٹ‘ فلپائن کے ساحل سے ٹکرا گیا

16 Sep 2018 گھنٹہ 12:45

انتہائی طاقتور سمندری طوفان ’منگکھٹ‘شمالی فلپائنی صوبے کاگایان کے علاقے باگاؤ سے ٹکرا گیا۔ سال کے اس سب سے طاقت ور طوفان کے آغاز میں ہی 16 افراد ہلاک ہوگئے ہیں۔


طاقت ور سمندری طوفان ’منگکھٹ‘ فلپائن کے ساحل سے ٹکرا گیا جس کے نتیجے میں 16 افراد ہلاک ہوگئے۔

بین الاقوامی خبر رساں ادارے کے مطابق انتہائی طاقتور سمندری طوفان ’منگکھٹ‘شمالی فلپائنی صوبے کاگایان کے علاقے باگاؤ سے ٹکرا گیا۔ سال کے اس سب سے طاقت ور طوفان کے آغاز میں ہی 16 افراد ہلاک ہوگئے ہیں۔

محکمہ موسمیات کا کہنا ہے کہ طوفان کی رفتار 330 کلومیٹر فی گھنٹہ تھی، انتہائی شدید باد و باران کے ساتھ زوردار جھکڑ سے معمولات زندگی معطل ہوگئے اور شاہراہوں پر نصب ہولڈنگز اور کھمبے گرگئے جب کہ لینڈ سلائیڈنگ کے واقعات بھی رونما ہوئے۔

طوفان کے باعث کئی دیہات اور شہر بجلی کی فراہمی سے محروم ہوگئے جس کی وجہ سے 87 ہزار سے زائد افراد متاثر ہوئے، گھروں کی چھتیں منہدم ہوگئیں جب کہ میدانی علاقوں میں پانی جمع ہوگیا۔

ریسکیو اداروں کو الرٹ کردیا گیا ہے جب کہ شہر کے تمام اسپتالوں میں ایمرجنسی نافذ کردی گئی ہے۔ اب تک 15 سے زائد زخمیوں کو اسپتال لایا گیا ہے جب کہ ہلاکتوں میں اضافے کا خدشہ ہے۔

دوسری جانب منگکھٹ طوفان ہانگ کانگ پہنچ رہا رہے جس کے باعث ہانگ کانگ میں بھی موسلا دھار بارشوں اور طوفانی جھکڑوں سے نمٹنے کے لیے حفاظتی انتظامات کا سلسلہ جاری ہے۔

واضح رہے کہ پانچ سال قبل فلپائن میں آنے والے طوفان ٹائیفون نے 6 ہزار سے زائد افراد کی زندگیوں کے چراغ گُل کردیئے تھے۔


خبر کا کوڈ: 359530

خبر کا ایڈریس :
https://www.taghribnews.com/ur/news/359530/منگکھٹ-فلپائن-کے-ساحل-سے-ٹکرا-گیا-16-ہلاک

تقريب خبررسان ايجنسی (TNA)
  https://www.taghribnews.com