سعودی جنگ کی مذمت میں صنعا میں وسیع پیمانے پر مظاہرہ

یمنی عوام نے سعودی عرب کی جارحیت اور یمن کے خلاف سعودی عرب کی مسلط کردہ اقتصادی جنگ کی مذمت میں صنعا میں وسیع پیمانے پر مظاہرہ کیا۔

المسیرہ کے حوالے سے موصولہ رپورٹ کے مطابق یمنی مظاہرین نے ایک بیان میں اقوام متحدہ سے مطالبہ کیا کہ وہ یمن کے بارہ لاکھ کارکنوں کی تنخواہوں کو ادا کرنے کے اپنے وعدے پر عمل کرے اس لئے کہ تنخواہیں ادا نہ کئے جانے سے یمن کے اقتصادی اور رفاہی شعبوں کو بھاری نقصان پہنچا ہے۔

اس بیان میں اسی طرح یمنی قوم کے ان اموال کو واپس کرنے پر یمن کی مستعفی حکومت کے سربراہ منصور ہادی کو مجبور کئے جانے کا مطالبہ کیا گیا ہے جو جارح ملکوں خاص طور سے متحدہ عرب امارات اور سعودی عرب کے ہاتھوں تباہ ہوئے ہیں۔