تاریخ شائع کریں۲۰ فروردين ۱۳۹۷ گھنٹہ ۲۳:۰۹
خبر کا کوڈ : 323658

ایرانی پارلیمنٹ کے اسپیکر کی روسی پارلیمنٹ دوماکے اسپیکر سے ملاقات

ایران اور روس کے درمیان مختلف شعبوں میں پارلیمانی تعاون کو فروغ دیئے جانے کی ضرورت ہے
اقتصادی شعبے میں ایران اور روس کے تعلقات کو اور زیادہ فروغ دیئے جانے کی ضرورت پر زور:روس
ایرانی پارلیمنٹ کے اسپیکر کی روسی پارلیمنٹ دوماکے اسپیکر سے ملاقات
اسلامی جمہوریہ ایران اور روس کے پارلیمانی اسپیکروں نے تہران میں پارلیمانی تعاون کے ایک سمجھوتے پر دستخط کئے ہیں۔

ایران کی پارلیمنٹ کے اسپیکر ڈاکٹر علی لاریجانی نے پیر کے روز تہران میں روسی پارلیمنٹ دوماکے اسپیکر ویا چسلاؤ ولودین سے ملاقات میں کہا ہے کہ ایران اور روس کے درمیان مختلف شعبوں میں پارلیمانی تعاون کو فروغ دیئے جانے کی ضرورت ہے۔

ڈاکٹر لاریجانی نے کہا کہ دونوں ملکوں کے تعلقات کی توسیع کے مقصد سے اہم اقتصادی منصوبوں پر غور کیا جانا بھی ضروری ہے۔

اس ملاقات میں روس کی پارلیمنٹ کے اسپیکر نے بھی تہران اور ماسکو کے تعلقات کو مستحکم قرار دیتے ہوئے کہا کہ مشترکہ فریم ورک  تیار کر کے دہشت گردی اور منشیات کے خلاف مہم میں مزید بہتر کردار ادا کیا جاسکتا ہے۔

روسی پارلیمنٹ دوما کے اسپیکر ویا چسلاؤ ولودین نے کہا کہ اقتصادی شعبے میں ایران اور روس کے تعلقات کو اور زیادہ فروغ دیئے جانے کی ضرورت ہے۔
آپ کا نام
آپکا ایمیل ایڈریس