QR codeQR code

نیویارک؛ مین ہٹن میں ہیلی کاپٹر دریا میں گرکر تباہ

حادثے میں ہیلی کاپٹر کا پائلٹ محفوظ رہا ہے

12 Mar 2018 گھنٹہ 18:18

نیویارک کے علاقے مین ہٹن میں محو پرواز اے ایس 350 ہیلی کاپٹر دریا میں گر کر تباہ ہوگیا ہے


مین ہٹن میں ہیلی کاپٹر دریا میں گرکر تباہ ہونے سے 2 افراد جاں بحق جب کہ 4 زخمی ہوگئے۔ امریکی میڈیا کے مطابق نیویارک کے علاقے مین ہٹن میں محو پرواز اے ایس 350 ہیلی کاپٹر دریا میں گر کر تباہ ہوگیا جس کے نتیجے میں 2 افراد ہلاک ہوگئے۔

امریکی میڈیا کا کہنا ہے کہ پیلی کاپٹر انجن فیل ہونے کی وجہ سے گرا۔ ہیلی کاپٹر میں 6 افراد سوار تھے۔ حادثے کی اطلاع ملتے ہی ریسکیو ٹیمیں فوراً موقع پر پہنچیں جہاں انہوں نے کارروائی کرتے ہوئے ڈوبنے والے افراد کو پانی سے نکالا۔

حادثے میں ہیلی کاپٹر کا پائلٹ محفوظ رہا ہے تاہم دریا میں گرنے والے افراد کو جب پانی سے نکالا گیا  تو ان میں سے دو افراد کی موت ہوچکی تھی، پائلٹ سمیت باقی افراد کو اسپتال منتقل کردیا گیا جہاں تین افراد کی حالت تشویشناک بتائی جارہی ہے۔

دوسری جانب ترجمان نیویارک میئرکا کہنا ہے کہ  ریسکیو ٹیمیں حادثےکےمقام پرامدادی کارروائیوں میں مصروف ہیں۔


خبر کا کوڈ: 317735

خبر کا ایڈریس :
https://www.taghribnews.com/ur/news/317735/نیویارک-مین-ہٹن-میں-ہیلی-کاپٹر-دریا-گرکر-تباہ

تقريب خبررسان ايجنسی (TNA)
  https://www.taghribnews.com