کردستان میں ریفرنڈم کے لئے مقامی حکام کا دورہ بغداد

کردستان کی مقامی کونسل کے اراکین کی ایک ٹیم نے آزادی کے ریفرنڈم کے سلسلے میں عراقی وزیراعظم حیدر العبادی سے ملاقات کی ہے۔

تقریب خبر رساں ایجنسی کے مطابق یہ گروہ عراقی حکام سے کردستان میں ریفرنڈم کے انعقاد کے سلسلے میں مذاکرات کے لئے بغداد آیا ہے۔

تا حال اس ملاقات کی جزئیات سامنے نہیں آئی ہیں۔ واضح رہے کہ کردستان کی مقامی پارلیمنٹ پچیس ستمبر کو ریفرنڈم منعقد کروانا چاہتی ہے لیکن اسے عراق کی مرکزی حکومت کی مخالفت کا سامنا ہے۔

امریکی حکومت نے بھی اس ریفرنڈم کو کچھ عرصے کے لئے ملتوی کرنے کا مطالبہ کیا ہے۔

یہ ریفرنڈم عملی اقدامات کے لئے نہیں بلکہ عوام کی رائے حاص کرنے کے لئے منعقد کیا جا رہا ہے کہ آیا وہ کردستان کی آزادی کے خواہں ہیں یا نہیں؟