شام پر حملہ عالم اسلام پر حملہ تصور ہوگا

تقریب نیوز (تنا): تحریک اسلام پاکستان کے سربراہ مولانا محمد حیدر علوی نے کہا ہے کہ شام پر حملہ عالم اسلام پر حملہ تصور ہوگا اور یہ حملہ خلیج میں جنگ کا باعث بن سکتا ہے، اپنے ایک بیان میں انہوں نے کہا کہ اقوام متحدہ امریکی اقدامات کا نوٹس لے، او آئی سی اپنی ذمہ داری ادا کرتے ہوئے فی الفور شام کے دفاع کیلئے اقدامات کرے۔
 
ان کا کہنا تھا کہ عراق اور افغانستان کے بعد اب شام پر حملہ دنیا کے امن کو باالخصوص اُمہ کیلئے انتہائی نقصان دہ ہوگا، ایران کے ساتھ پاکستان کو بھی شام کے حالات پر سنجیدگی دکھانی چاہیے اور کسی حالت میں بھی غیر جانبدار نہیں رہنا چاہیے۔ 

مولانا محمد حیدر علوی کا کہنا تھا کہ سلامتی کونسل دنیا کیلئے خطرہ بنتی جا رہی ہے، مسلم اُمہ اپنے دفاع کیلئے الگ سکیورٹی بلاک تشکیل دے، تاکہ مسلمانوں کے خون کی حفاظت کی جا سکے۔