شام اسرائیل کے خلاف جوابی کارروائی کرے گا

اقوام متحدہ میں شام کے مستقل مندوب نے تل ابیب کے ائیرپورٹ پر شام کی انتقامی کارروائی کے امکان کی خبردی ہے۔

مہر خبررساں ایجنسی نے اسپوٹنک کے حوالے سے نقل کیا ہے کہ اقوام متحدہ میں شام کے مستقل مندوب نے تل ابیب کے ائیرپورٹ پر شام کی انتقامی کارروائی کے امکان کی خبردی ہے۔

شام کے مستقل مندوب ڈاکٹر بشار الجعفری نے سلامتی کونسل کے خطاب میں کہا ہے کہ سلامتی کونسل اگر اسرائیلی جارحیت نہیں رکواتی تو شام اسرائیل کے خلاف جوابی کارروائی کرے گا۔

انہوں نے مزید کہا کہ شام اسرائیل کے خلاف اپنے دفاع کے جائز اختیار کا استعمال کر کے تل ابیب کے ایئر پورٹ کو نشانہ بنا سکتا ہے۔

شامی مندوب کا مزید کہنا ہے کہ سلامتی کونسل میں امریکہ اور برطانیہ کی حمایت کے باعث اسرائیل کو شام میں کارروائیاں کرنے کی آزادی حاصل ہے۔

واضح رہے کہ اسرائیلی افواج نے اتوار اور پیر کو دمشق کے ایئر پورٹ پر بمباری کی تھی۔ شامی فوج نے جوابی کارروائی کرتے ہوئے اسرائیل کے30 سے زائد میزائلوں کو تباہ کر دیا تھا۔