امریکی میزائل تنصیبات روسی ہتھیاروں کی دسترس سے باہر نہیں ہیں

روس نے خبردار کیا ہے کہ یورپ میں امریکی میزائل تنصیبات روسی ہتھیاروں کی دسترس سے باہر نہیں ہیں۔

روس کے میزائل یونٹ کے کمانڈر جنرل سرگئی کاراکایف نے کہا ہے کہ مشرقی یورپ میں امریکہ کی میزائل تنصیبات روسی ہتھیاروں کی زد میں ہیں۔

اس سے قبل انھوں نے اعلان کیا تھا کہ مشرقی یورپ میں ایگیس میزائل سسٹم کی تعیناتی آئی این ایف معاہدے کی کھلی خلاف ورزی ہے۔

اس سسٹم کو مئی دو ہزار سولہ میں رومانیہ کے ڈیویسیلو فوجی ٹھکانے میں فعال کیا گیا تھا۔

واضح رہے کہ آئی این ایف معاہدے سے امریکی علیحدگی کے فیصلے پر روس نے سخت انتباہ دیا ہے۔