QR codeQR code

انتونیو گوٹیرس کو یمن اور فلسطین کے علاوہ قتل و غارت کی فکر ستانے لگی

اقوام متحدہ کے سکریٹری جنرل نے کہا

8 Dec 2018 گھنٹہ 14:44

قتل عام ایک جان بوجھ کر کیا جانے والے منصوبہ بند جرم ہے اور اس کے لئے سخت تیاریوں کی ضرورت ہوتی ہے


اقوام متحدہ کے سکریٹری جنرل نے کہا ہے کہ قتل عام کے جرائم راتوں رات نہیں ہوتے لہذا بین الاقوامی برادری اس پر رائےزنی کی بجائے انہیں روکنے پر توجہ مرکوز کرے۔

اقوام متحدہ کے سکریٹری جنرل انتونیو گوٹیرس نے جمعہ کو قتل عام کے جرائم کی روک تھام اور سزا اور قتل عام کے متاثرین کو خراج عقیدت کے بین الاقوامی دن کی 70 ویں سالگرہ کے ایک پروگرام میں کہا کہ قتل عام ایک جان بوجھ کر کیا جانے والے منصوبہ بند جرم ہے اور اس کے لئے سخت تیاریوں کی ضرورت ہوتی ہے جس میں وقت لگتا ہے۔ قتل عام میں لگنے والا وقت دنیا کو اس پر کارروائی کرنے کا بھی وقت دیتا ہے۔

اقوام متحدہ کے سکریٹری جنرل نے کہا، فکر کی بات یہ ہے کہ بین الاقوامی برادری کئی بار اس کے انتباہی اشارے کو سمجھ کربھی جلد فیصلہ نہیں کرپاتی اور قتل عام کو روکنے کی بجائے اس پر رد عمل ہی ظاہر کرتے ہیں جب تک کافی دیر ہو چکی ہوتی ہے۔

واضح رہے کہ اس وقت یمن میں مظلوم یمنیوں کا قتل عام ہو رہا ہے اور عالمی ادارے تماشائی کا کردار ادا کر رہے ہیں اور انسانی حقوق کی بات کرنے والے امریکہ نے یمن میں سعودی عرب اور اس کے اتحادیوں کو یمنی عوام کے قتل عام کیلئے فری ہینڈ دے دیا ہے۔


خبر کا کوڈ: 384205

خبر کا ایڈریس :
https://www.taghribnews.com/ur/news/384205/انتونیو-گوٹیرس-کو-یمن-اور-فلسطین-کے-علاوہ-قتل-غارت-کی-فکر-ستانے-لگی

تقريب خبررسان ايجنسی (TNA)
  https://www.taghribnews.com