دشمن کو اقتصسادی میدان میں بھی شکست کا منہ دیکھنا پڑے گا

اسلامی جمہوریہ ایران کی سپاہ کے ڈپٹی کوآرڈینیٹرنے دشمن کی طرف سے ایران پر اقتصادی دباؤ کےمقابلے میں ایرانی قوم کی استقامت اور پائداری کی طرف اشارہ کرتے ہوئے کہا کہ ایران ماضی کی طرح دشمن کو اقتصادی جنگ میں بھی شکست سے دوچار کردےگا۔

مہر خبررساں ایجنسی کے نامہ نگار کی رپورٹ کے مطابق اسلامی جمہوریہ ایران کی سپاہ کے ڈپٹی کوآرڈینیٹرجنرل علی فدوی نے دشمن کی طرف سے ایران پر اقتصادی دباؤ کےمقابلے میں ایرانی قوم کی استقامت اور پائداری کی طرف اشارہ کرتے ہوئے کہا کہ ایران ماضی کی طرح دشمن کو  اقتصادی جنگ میں بھی شکست سے دوچار کردےگا۔ قم میں شہداء کی یاد کے ایک اجتماع سے خطاب میں جنرل علی فدوی نے شہداء کے عظيم مقام کی طرف اشارہ کرتے ہوئے کہا کہ شہداء کو یہ مقام اللہ تعالی نے عطا کیا ہے اور جس انسان کا بھی اللہ تعالی سے گہرا رابطہ ہوگا وہ اس مقام کو حاصل کرسکتا ہے۔جنرل فدوی نے کہا کہ اللہ تعالی اس سال 22 بہمن کے موقع پر ایران کو ایسا مضبوط عصا عطا کرےگا جس کے ذریعہ ایران اپنے باقی ماندہ اہداف تک بڑی سرعت اور پختہ عزم کے ساتھ پہنچ جائےگا اور اس طرح ایران کے خلاف دشمنوں کی تمام سازشیں اور کوششیں ناکام ہوجائیں گی۔