عمران خان کا دورہ امارات میں سرمایا کاری کی یقین دہانی
پاکستانی میڈیا کے مطابق پاکستان کے وزیراعظم عمران خان نے کہا
متحدہ عرب امارات کے ایک روزہ دورے پر یو اے ای کے وزیر اعظم شیخ محمد بن راشد المکتوم اور ولی عہد شیخ محمد بن زید سے ملاقاتیں کیں جس میں دوطرفہ تعلقات اور عالمی امور پر بات چیت کی گئی۔
شیئرینگ :
پاکستان کےوزیراعظم عمران خان کے دورہ متحدہ عرب امارت کے موقع پر دونوں ملکوں کے درمیان دفاع، توانائی اور زراعت کے شعبے میں تعاون سے اتفاق کیا گیا۔
پاکستانی میڈیا کے مطابق پاکستان کے وزیراعظم عمران خان نے متحدہ عرب امارات کے ایک روزہ دورے پر یو اے ای کے وزیر اعظم شیخ محمد بن راشد المکتوم اور ولی عہد شیخ محمد بن زید سے ملاقاتیں کیں جس میں دوطرفہ تعلقات اور عالمی امور پر بات چیت کی گئی۔
ملاقات کے بعد دورہ متحدہ عرب امارات کا اعلامیہ جاری کردیا گیا جس کے مطابق پاکستان اور یو اے ای کے درمیان دفاع، توانائی اور زراعت کے شعبے میں تعاون پر اتفاق کیا گیا ہے ساتھ ہی دفاع کے شعبے میں مشترکہ کاوشوں پر بھی اتفاق رائے ہوا۔
اعلامیہ کے مطابق پاکستان اور یو اے ای کی طرف سے دہشت گردی کے خاتمے کے لیے مشترکہ تعاون پر اتفاق کیا گیا۔
دونوں ممالک کے درمیان دو طرفہ تعلقات کو طویل المدت، اسٹرٹیجک اور اقتصادی شرکت میں بدلنے پر اتفاق کیا گیا، دونوں ممالک نے تربیت، مشترکہ مشقوں اور دفاعی پیداوار میں تعاون کے عزم کا اظہار کیا، دونوں ممالک کا مشترکہ بین الوزارتی کمیشن کا اجلاس آئندہ سال فروری میں منعقد ہوگا۔
دورہ متحدہ عرب امارات میں پاکستانی وزیراعظم کے ہمراہ وزیر خارجہ شاہ محمود قریشی، وزیر خزانہ اسد عمر، وزیر توانائی، وزیر پٹرولیم، مشیر برائے تجارت اور چیف آف آرمی اسٹاف جنرل قمر جاوید باجوہ بھی موجود تھے۔