سعودی عرب کی جانب سے ایرانی با اثر شخصیات کے قتل کا منصوبہ
ایران کے وزیر خارجہ محمد جواد ظریف نے کہا ہے
ایران کے وزیر خارجہ محمد جواد ظریف نے ایرانی شخصیات اور حکام کے قتل کے لئے سعودی منصوبوں کے بارے میں امریکی اخبار نیویارک ٹائمز کی رپورٹ کی تصدیق کرتے ہوئے اعلان کیا ہے کہ ایران اس قسم کے منصوبوں سے باخبر رہا ہے۔
شیئرینگ :
ایران کے وزیر خارجہ محمد جواد ظریف نے کہا ہے کہ ایرانی شخصیات کے قتل پر مبنی سعودی منصوبوں سے متعلق امریکی اخبار کی رپورٹ صحیح ہے۔
ایران کے وزیر خارجہ محمد جواد ظریف نے ایرانی شخصیات اور حکام کے قتل کے لئے سعودی منصوبوں کے بارے میں امریکی اخبار نیویارک ٹائمز کی رپورٹ کی تصدیق کرتے ہوئے اعلان کیا ہے کہ ایران اس قسم کے منصوبوں سے باخبر رہا ہے۔
انھوں نے کہا کہ سعودی عرب نے باضابطہ طور پر اعلان کیا ہے کہ جنگ کو ایرانی سرحدوں میں پہنچایا جائے گا جس کے بعد ایران کو خاص طور سے مشرقی سرحد میں مسلح اور دہشت گردانہ گروہوں کی سرگرمیوں کا سامنا بھی کرنا پڑا اور داعش دہشت گرد گروہ نے دہشت گردانہ اقدامات منجملہ ایران کی پارلیمنٹ کو اپنے حملے کا نشانہ بنایا۔
محمد جواد ظریف نے کہا کہ سعودی حکام علاقے پر اپنا تسلط جمانے کی کوشش کر رہے ہیں اور ایرانی شخصیات کے قتل سے متعلق سعودی منصوبوں کی خبریں، سعودی حکام کے پہلے کے ایسے دعؤوں کو غلط ثابت کرتی ہیں کہ جن میں وہ الزام لگاتے تھے کہ ایران، سعودی عرب کے داخلی امور میں مداخلت کر رہا ہے۔
ایران کے وزیر خارجہ نے امید ظاہر کی کہ عالمی برادری قطر کے محاصرے، یمن پر جارحیت، لبنان کے وزیر اعظم کو حراست میں رکھنے اور مخالف صحافی جمال خاشقجی کے قتل کی واردات میں جو کچھ سعودی حکام نے کیا ان کو فراموش نہیں کرے گی۔
فلسطینی وزارت صحت نے آج (ہفتہ) دوپہر کے وقت اعلان کیا کہ صیہونی حکومت نے گزشتہ 24 گھنٹوں کے دوران جرائم کے 4 واقعات میں 37 فلسطینی شہریوں کو شہید اور 68 کو زخمی ...