میکسیکو سرحد سے متصل ریاستوں پر بڑی تعداد میں فوجی تعینات

تارکین وطن کے بڑے قافلے کو روکنے کے لیے بڑے پیمانے پراقدامات
میکسیکو سرحد سےمتصل ریاستوں ٹیکساس، کیلیفورنیا اور ایروزینا میں اب تک 4 ہزار 800 فوجی اہلکار تعینات کردیےگئےہیں ، اس کے علاوہ نیشنل گارڈ کے 2 ہزار سے ریزرو اہلکار بھی فعال ہیں
تاریخ شائع کریں : سه شنبه ۱۵ آبان ۱۳۹۷ گھنٹہ ۱۵:۳۰
موضوع نمبر: 375145
 
وسطی امریکا سے تارکین وطن کے بڑے قافلے کو روکنے کے لیے بڑے پیمانے پراقدامات کیے گئے ہیں۔

امریکی محکمہ دفاع کے ترجمان کرنل بوب میننگ نے میڈیا بریفنگ میں بتایا کہ میکسیکو سرحد سےمتصل ریاستوں ٹیکساس، کیلیفورنیا اور ایروزینا میں اب تک 4 ہزار 800 فوجی اہلکار تعینات کردیےگئےہیں ، اس کے علاوہ نیشنل گارڈ کے 2 ہزار سے ریزرو اہلکار بھی فعال ہیں، مزید نفری بھیج کر مجموعی طور پر 9 ہزار اہلکار تعینات کیے جائیں گے۔

دوسری جانب اپوزیشن کی ڈیموکریٹک پارٹی نے آپریشن کو شدید تنقید کا نشانہ بنایا ہے۔

یادرہے کہ امریکی صدرٹرمپ نے کہا تھا سرحد پر 15 ہزار فوجی تعینات ہوں گے، جنہیں مظاہرین پرگولی چلانے کا اختیارہوگا، تاہم ترجمان پنٹاگون نے وضاحت کی کہ فوجی اہلکاروں کو تارکین وطن یا مظاہرین سے براہ راست آمنا سامنا کرانے کا کوئی منصوبہ نہیں۔

واضح رہے کہ غیر ملکی تارکین وطن کیلئے امریکی صدرٹرمپ کی پالیسی کے خلاف واشنگٹن سمیت پوری دنیا میں مظاہرے ہوئے اور امریکی صدر کے اس اقدام کی مذمت کی گئی۔
Share/Save/Bookmark