امریکہ کی نئی سازشیں بھی شکست سے دوچار ہوں گی

صدر ایران ڈاکٹر حسن روحانی نے کہا ہے
ڈاکٹر حسن روحانی نے کہا کہ امریکہ دھیرے دھیرے اپنے مواقف سے پیچھے ہٹ رہا ہے کیونکہ ایرانی تیل کی برآمدات کو صفر تک پہنچانے کی کوشش ناکام ہو گئی ہے۔
تاریخ شائع کریں : چهارشنبه ۹ آبان ۱۳۹۷ گھنٹہ ۲۱:۵۶
موضوع نمبر: 373405
 
صدر ایران ڈاکٹر حسن روحانی نے کہا ہے کہ امریکی پابندیوں کے باوجود بہت سے ایشیائی اور یورپی ممالک ایران کے ساتھ تعاون جاری رکھنے کے خواہاں ہیں۔

بدھ کو کابنیہ کے اجلاس سے خطاب کرتے ہوئے صدر مملکت ڈاکٹر حسن روحانی کا کہنا تھا کہ ایران کے خلاف امریکہ کی نئی سازشیں بھی شکست سے دوچار ہوں گی۔
ڈاکٹر حسن روحانی نے کہا کہ امریکہ دھیرے دھیرے اپنے مواقف سے پیچھے ہٹ رہا ہے کیونکہ ایرانی تیل کی برآمدات کو صفر تک پہنچانے کی کوشش ناکام ہو گئی ہے۔
صدر ایران نے کہا کہ امریکہ اقتصادی اور نفسیاتی دباؤ کے ذریعے ایرانی عوام میں حکومت کے تئیں ناراضگی پیدا کرنا چاہتا ہے لیکن ایرانی عوام امریکی جرائم سے سخت نالاں ہیں۔
ڈاکٹر حسن روحانی نے کہا کہ ہم تمام مشکلات پر قابو پانے میں کامیاب ہو جائیں گے اور امریکی دباؤ عارضی ہے۔
صدر مملکت ڈاکٹر حسن روحانی نے اربعین حسینی کے کامیاب اور پرشکوہ انعقاد پر عراق کے عوام اور حکومت کا شکریہ ادا کیا اور زائرین کو فراہم کی جانے والی خدمات کی بھی قدردانی کی۔
Share/Save/Bookmark