14 محافظوں کے اغوا کے سلسلے میں پاکستانی وزیر داخلہ کے نام خط
پاکستانی حکومت کودہشت گردوں کو پاکستانی سرزمین ایران کے خلاف استعمال کرنے کی اجازت نہیں دینی چاہیے
اسلامی جمہوریہ ایران کے وزير داخلہ نے 14 ایرانی سرحدی محافظوں کے اغوا کے سلسلے میں مشترکہ کارروائی کے لئے پاکستانی وزیر داخلہ کے نام خط ارسال کیا ہے
شیئرینگ :
اسلامی جمہوریہ ایران کے وزير داخلہ نے 14 ایرانی سرحدی محافظوں کے اغوا کے سلسلے میں مشترکہ کارروائی کے لئے پاکستانی وزیر داخلہ کے نام خط ارسال کیا ہے۔
تفصیلات کے مطابق اسلامی جمہوریہ ایران کے وزير داخلہ عبدالرضا رحمانی فضلی نے 14 ایرانی سرحدی محافظوں کے اغوا کے سلسلے میں دہشت گردوں کے خلاف فوری مشترکہ کارروائی کے لئے پاکستانی وزیر داخلہ شہریار آفریدی کے نام خط ارسال کیا ہے۔
ایرانی وزیر داخلہ نے پاکستانی ہم منصب کے نام خط میں پاکستانی حکومت پر زوردیا ہے کہ وہ سکیورٹی معاہدوں پر عمل کرتے ہوئے ایرانی سرحدی محافظوں کی آزادی اور رہائی کے سلسلے میں فوری اقدامات عمل میں لائے اور فوری طور پر شرپسند دہشت گردوں کے خلاف مشترکہ فوجی کارروائی کے سلسلے میں تعاون فراہم کرے۔
انھوں نے اپنے خط میں کہا ہے کہ پاکستانی حکومت کودہشت گردوں کو پاکستانی سرزمین ایران کے خلاف استعمال کرنے کی اجازت نہیں دینی چاہیے۔
واضح رہے کہ تین روز قبل وہابی دہشت گردوں نے پاکستان کی سرحد سے حملہ کرکے ایران کے 14 سرحدی محافظوں کو اغوا کرکے پاکستان منتقل کردیا۔ جس کے بعد ایران نے تہران میں پاکستانی سفیر کو طلب کرکے احتجاج کیا اور اس سلسلے میں ایرانی وزير خارجہ نے بھی پاکستانی وزير خارجہ سے ٹیلیفون پر گفتگو کی ہے۔