افغانستان میں انتخابات کا سلسلہ دوسرے روز بھی جاری

افغانستان میں پارلیمانی انتخابات کے دوسرے روز مختلف شہروں میں ووٹ ڈالے جا رہے ہیں۔

 ہمارے نمائندے کے مطابق ہفتے کے روز بعض حلقوں میں فنی اور تیکنیکی مشکلات کی وجہ سے اتوار کے روز انتخابات کرانے کا اعلان کیا گیا تھا۔ افغانستان میں پارلیمانی انتخابات ہفتے کے روز ہوئے تھے جن میں بڑی تعداد میں لو‏‏گوں نے اپنا حق رائے دھی استعمال کیا تھا۔افغانستان کے آزاد الیکشن کمشنر عبدالبدیع صیاد کا کہنا ہے کہ تیس لاکھ لاکھ رجسٹرڈ ووٹرز نے ہفتے کو اپنا حقِ رائے دہی استعمال کیا جس میں سب سے زیادہ ٹرن آوٹ کابل میں جبکہ سب سے کم ٹرن آوٹ جنوبی صوبے ارزگان میں رہا ہے۔انہوں نے کہا کہ ملک کے جن چودہ صوبوں کے انتخابی حلقوں میں فنی اور سیکورٹی مشکلات کی وجہ سے انتخابات نہیں ہوسکے تھے ان میں آج ووٹ ڈالے جارہے ہیں۔قابل ذکر ہے کہ گزشتہ روز افغانستان میں پولیس مراکز اور سیکورٹی اہلکاروں پر ھونے والے ایک سو بانوے حملوں میں تقریبا چالیس افراد ہلاک اور ایک سو اسّی زخمی ہوگئے تھے۔