ایران اور اسلامی انقلاب کی طاقت میں مزید اضافہ ہوا ہے

یمن کے المسیرہ ٹیلی ویژن کو انٹرویو دیتے ہوئے میجر جنرل محمد علی جعفری نے کہا
یمن کے المسیرہ ٹیلی ویژن کو انٹرویو دیتے ہوئے میجر جنرل محمد علی جعفری کا کہنا تھا کہ اگر امریکی صدر ڈونلڈ ٹرمپ یہ سمجھتے ہیں کہ ان کے بر سر اقتدار آنے کے بعد ایران کمزور ہوا ہے، تو وہ غلط فہمی کا شکار ہے۔
تاریخ شائع کریں : شنبه ۲۱ مهر ۱۳۹۷ گھنٹہ ۱۵:۴۰
موضوع نمبر: 367980
 
سپاہ پاسداران انقلاب اسلامی کے کمانڈر نے کہا کہ شام و عراق میں دہشت گردی کے خلاف جنگ کے بعد مزاحمتی محاذ مزید طاقتور ہوا ہے۔

یمن کے المسیرہ ٹیلی ویژن کو انٹرویو دیتے ہوئے میجر جنرل محمد علی جعفری کا کہنا تھا کہ اگر امریکی صدر ڈونلڈ ٹرمپ یہ سمجھتے ہیں کہ ان کے بر سر اقتدار آنے کے بعد ایران کمزور ہوا ہے، تو وہ غلط فہمی کا شکار ہے۔
میجر جنرل محمد علی جعفری نے کہا ہے کہ دہشت گردی کے خلاف جنگ میں شرکت کے نتیجے میں ایران اور اسلامی انقلاب کی طاقت میں مزید اضافہ ہوا ہے۔

سپاہ پاسداران انقلاب اسلامی کے کمانڈر نے کہا کہ ایران آج بارہ منٹ سے بھی پہلے اپنے دفاع کی صلاحیت رکھتا ہے۔

میجر جنرل محمد علی جعفری کا کہنا تھا " ٹرمپ کے بقول اگر ان کے اقتدار میں آنے سے پہلے ایران 12 منٹ میں اپنے دفاع کی صلاحیت رکھتا تھا تو اب یہ مدت مزید کم ہوگئی ہے۔"
انہوں نے خبردار کیا کہ اگر ایران کی سلامتی کو خطرہ  محسوس ہوا تو ہم اپنی سرحدوں سے باہر بھی ان خطرات کا جواب دینے میں ذرہ برابر دیر نہیں کریں گے۔
سپاہ پاسداران انقلاب اسلامی کے کمانڈر نے امریکی پابندیوں کا ذکر کرتے ہوئے کہا کہ پابندیوں کے نتیجے میں ایران خودکفیل اور ہماری اندرونی یکجہتی میں اضافہ ہوا ہے۔
 میجر جنرل محمد علی جعفری نے یہ بات زور دے کر کہی کہ اسرائیل کی نابودی کا وقت قریب آگیا ہے اور غاصب صیہونی حکومت کی مکمل نابودی تک ہماری تحریک جاری رہے گی۔
Share/Save/Bookmark