کوریائے ممالک کا باہمی تنازعات کو حل کرنے پر اتفاق

بحران مکمل طور پر حل کئے جانے کی ضرورت پر تاکید
اتحادی امور کے وزیر چو میونگ گیون نے جمعے کے روز پیونگ یانگ میں اپنی ملاقات میں جزیرہ نمائے کوریا سے جنگ کا خطرہ مکمل طور پر ختم کئے جانے کی ضرورت پر زور دیا ہے۔
تاریخ شائع کریں : يکشنبه ۱۵ مهر ۱۳۹۷ گھنٹہ ۱۵:۱۸
موضوع نمبر: 365777
 
دونوں کوریاؤں کے حکام نے پیونگ یانگ میں ایک بار پھر جزیرہ نمائے کوریا کا بحران مکمل طور پر حل کئے جانے کی ضرورت پر تاکید کی ہے۔

شمالی کوریا کے سرکاری ذرائع ابلاغ نے ہفتے کے روز اعلان کیا ہے کہ شمالی کوریا کی قومی کانگریس کے سربراہ کیم یونگ نام اور جنوبی کوریا کے اتحادی امور کے وزیر چو میونگ گیون نے جمعے کے روز پیونگ یانگ میں اپنی ملاقات میں جزیرہ نمائے کوریا سے جنگ کا خطرہ مکمل طور پر ختم کئے جانے کی ضرورت پر زور دیا ہے۔

فریقین نے جزیرہ نمائے کوریا میں کسی بھی طرح کے جوہری خطرے کے بغیر، قیام امن کی ضرورت پر تاکید کی۔

دونوں ملکوں کے حکام نے اسی طرح پان مون جوم سمجھوتے اور اس بیان پر عمل کئے جانے کی ضرورت پر زور دیا کہ جس پر دونوں ملکوں کے سربراہوں نے دستخط کئے ہیں۔
Share/Save/Bookmark