سامراجی ملکوں کی خود پسندی سے چھٹکارے کا وقت آگیا ہے

امریکہ کی جانب سے سعودی عرب کی تذلیل کا حوالہ دیتے ہوئے کہا
ایران کے وزیر خارجہ ڈاکٹر محمد جواد ظریف نے سامراجی ملکوں کی خود پسندی سے چھٹکارہ حاصل کرنے کے لئے خطے کے ملکوں کو دوستی اور تعاون کی دعوت دی ہے۔
تاریخ شائع کریں : جمعه ۱۳ مهر ۱۳۹۷ گھنٹہ ۱۶:۵۸
موضوع نمبر: 365246
 
ایران کے وزیر خارجہ ڈاکٹر محمد جواد ظریف نے سامراجی ملکوں کی خود پسندی سے چھٹکارہ حاصل کرنے کے لئے خطے کے ملکوں کو دوستی اور تعاون کی دعوت دی ہے۔

وزیر خارجہ محمد جواد ظریف نے اپنے ایک  ٹوئٹ میں امریکہ کی جانب سے سعودی عرب کی تذلیل کا حوالہ دیتے ہوئے کہا ہے کہ اس خطے کو طاقتور بنا کر سامراجی ممالک  کی خود غرضی کا خاتمہ کیا جا سکتا ہے۔
انہوں نے کہا کہ امریکی صدر ٹرمپ مستقل سعودیوں کی تذلیل کرتے رہتے ہیں کہ ہماری مدد کے بغیر سعودی حکومت دو ہفتوں کے لئے بھی گزارا نہیں کرسکتی۔ انھوں نے مزید کہا کہ اپنی سلامتی دوسروں کے ہاتھوں میں دینے کا یہی نتیجہ برآمد ہوتا ہے۔ وزیر خارجہ محمد جواد ظریف نے ایران  کے اس دیرینہ موقف کا اعادہ کیا کہ تہران نے ہمیشہ خطے کے تمام ممالک کی طرف دوستی کا ہاتھ بڑھایا ہے اور اب بھی بڑھتا ہے۔
 ایران کے وزیر خارجہ نے اپنے ٹوئٹ میں اس عزم کا اظہار کیا کہ آئیے مل کر ہم ایک مضبوط خطے کی بنیاد رکھیں تاکہ سامراجی طاقتوں کی خودپسندی کا خاتمہ کیا جا سکے۔  
Share/Save/Bookmark