عرب لیگ کی چار فریقی کمیٹی کا اعلامیہ حقائق کے خلاف ہے

بہرام قاسمی نے عرب لیگ کی چار فریقی کمیٹی کے اعلامیہ کو مسترد کردیا
عرب لیگ کی چار فریقی کمیٹی کے اعلامیہ کو مسترد کرتے ہوئے کہا ہے کہ ایران نے ہمیشہ ہمسایہ اور عرب ممالک کی سخت ،دشوار اورمشکل حالات میں مدد کی ہے۔
تاریخ شائع کریں : چهارشنبه ۲۱ شهريور ۱۳۹۷ گھنٹہ ۲۱:۵۳
موضوع نمبر: 358633
 
اسلامی جمہوریہ ایران کی وزارت خارجہ کے ترجمان نے عرب لیگ کی چار فریقی کمیٹی کے اعلامیہ کو مسترد کرتے ہوئے کہا ہے کہ ایران نے ہمیشہ ہمسایہ اور عرب ممالک کی سخت ،دشوار اورمشکل حالات میں مدد کی ہے۔

بین الاقوامی خبـررساں ایجنسی کی رپورٹ کے مطابق اسلامی جمہوریہ ایران کی وزارت خارجہ کے ترجمان بہرام قاسمی نے عرب لیگ کی چار فریقی کمیٹی کے اعلامیہ کو مسترد کرتے ہوئے کہا ہے کہ ایران نے ہمیشہ ہمسایہ اور عرب ممالک کی سخت ،دشوار اورمشکل حالات میں مدد کی ہے۔ ایرانی وزارت خارجہ کے ترجمان نے عرب لیگ کی چار فریقی کمیٹی کے اعلامیہ کی مذمت کرتے ہوئے اسے امریکہ کی ایران کے خلاف گھناؤنی سازش کا حصہ قراردیا ہے۔

بہرام قاسمی نے کہا کہ ایران نے ہمیشہ خطے میں پائدار امن و صلح کے قیام کے لئے اپنا مثبت کردار ادا کیا ہے اور کرتا رہےگا۔ انھوں نے کہا کہ عرب لیگ کی چار فریقی کمیٹی کا اعلامیہ حقائق کے خلاف  اور بے بنیاد الزامات پر مبنی ہے ۔ بہرام قاسمی نے کہا کہ 11 ستمبر کے موقع پر عرب لیگ کی کمیٹی کے اس قسم کے اعلامیہ سے ثابت ہوگيا کہ بعض عرب ممالک  اب بھی دہشت گردوں کی حمایت جاری رکھے ہوئے ہیں کیونکہ 11 ستمبر کے حادثے میں عرب کمیٹی میں شریک بعض عرب ممالک کے شہری شامل تھے۔
Share/Save/Bookmark