بصرہ میں ایرانی قونصلیٹ کو نقصان پہچانے کی کوشش کی مذمت

تہران میں تعینات عراق کے سفیر کو طلب کرکے اس واقعے پر شدید احتجاج کیا ہے.
بہرام قاسمی کا کہنا ہے کہ بصرہ میں ایرانی قونصلیٹ کی عمارت کو شرپسندوں کی جانب سے آگ لگانے اور سفارتی مشن کی حفاظت کے حوالے سے سیکورٹی اہلکاروں کی غیرذمہ دارانہ کارکردگی پرعراقی سفیر کو طلب کیا گیا.
تاریخ شائع کریں : شنبه ۱۷ شهريور ۱۳۹۷ گھنٹہ ۱۶:۱۵
موضوع نمبر: 356992
 
اسلامی جمہوریہ ایران نے عراقی شہر بصرہ میں شرپسندوں کی جانب سے ایرانی قونصلیٹ کی عمارت کو نقصان پہنچانے پر تہران میں تعینات عراق کے سفیر کو طلب کرکے اس واقعے پر شدید احتجاج کیا ہے.

اسلامی جمہوریہ ایران کی وزارت خارجہ کے ترجمان بہرام قاسمی کا کہنا ہے کہ بصرہ میں ایرانی قونصلیٹ کی عمارت کو شرپسندوں کی جانب سے آگ لگانے اور سفارتی مشن کی حفاظت کے حوالے سے سیکورٹی اہلکاروں کی غیرذمہ دارانہ کارکردگی پرعراقی سفیر کو طلب کیا گیا.

بہرام قاسمی نے مزید کہا کہ دفترخارجہ کے ڈائریکٹر جنرل برائے امور خلیج فارس نے بصرہ کی پولیس کی جانب سے غیرذمہ دارانہ رویے پر حیرت کا اظہار کیا.ڈی جی دفترخارجہ نے کہا کہ گزشتہ دنوں مشتعل افراد کے مشکوک اقدامات کے بعد ایرانی قونصلیٹ نے عراقی حکام کو آگاہ کردیا تھا تاہم عراق کے سفارتی حکام نے یقین دہانی کرانے کے باوجود مشتعل افراد کو روکنے  کے لئے ٹھوس اقدامات نہیں کئے۔ اس نشست میں عراقی سفیر سے مطالبہ کیا گیا کہ اسلامی جمہوریہ ایران کے احتجاج کو فوری طور حکومت عراق تک پہنچایا جائے اور اس واقعے کے ذمے داروں کو گرفتار اور انھیں کیفر کردار تک پہنچایا جائے.

واضح رہے کہ گزشتہ رات چند شرپسندوں نےبصرہ میں ایرانی قونصلیٹ کی عمارت کو آگ لگا دی۔
Share/Save/Bookmark