پاکستان اور چین کے وزراۓ خارجہ کی ملاقات میں باہمی امور پر تبادلہ خیال

پاکستان کی وزارت خارجہ میں پاک چین وزرائے خارجہ کے مابین مذاکرات ہوئے جس میں دوطرفہ تعلقات
چین کے وزیر خارجہ وانگ ای دیگر اہم چینی حکام کے ہمراہ آج صبح دفتر خارجہ پہنچے جہاں مذاکرات کے پہلے مرحلے میں دونوں ملکوں کے وزرائے خارجہ کے درمیان ون آن ون ملاقات ہوئی جس کے بعد وفود کی سطح پر مذاکرات ہوئے
تاریخ شائع کریں : شنبه ۱۷ شهريور ۱۳۹۷ گھنٹہ ۱۶:۰۵
موضوع نمبر: 356989
 
پاکستان کی وزارت خارجہ میں پاک چین وزرائے خارجہ کے مابین مذاکرات ہوئے جس میں دوطرفہ تعلقات اور باہمی دلچسپی کے دیگر امور پر تبادلہ خیال کیا گیا ہے۔
پاکستانی میڈیا کے مطابق چین کے وزیر خارجہ وانگ ای دیگر اہم چینی حکام کے ہمراہ آج صبح دفتر خارجہ پہنچے جہاں مذاکرات کے پہلے مرحلے میں دونوں ملکوں کے وزرائے خارجہ کے درمیان ون آن ون ملاقات ہوئی جس کے بعد وفود کی سطح پر مذاکرات ہوئے۔ وزیر خارجہ شاہ محمود قریشی نے پاکستانی جبکہ وانگ ای نے چینی وفد کی قیادت کی۔
مذاکرات میں خطے کی صورتحال، سی پیک، دونوں ملکوں کے درمیان معاشی و ثقافتی تعاون اور باہمی دلچسپی کے دیگر امور پر تبادلہ خیال کیا گیا۔
 دونوں ملکوں کے وزرائے خارجہ نے اسٹریٹجک تعاون پر مبنی شراکت داری کو مزید مستحکم کرنے کے عزم کا اعادہ کیا۔
پاکستان کےوزیر خارجہ شاہ محمود قریشی نے کہا کہ سی پیک حکومت کی اولین ترجیح ہے کیونکہ سی پیک پاکستان کی سماجی اور معاشی ترقی کے لئے انتہائی اہم ہے۔ اس موقع پر چینی وزیر خارجہ نے اس ملک کے وزیر اعظم عمران خان کو چین میں ہونے والی درآمدی اشیا کی بین الاقوامی نمائش میں مہمان خصوصی کی حیثیت سے شرکت کی دعوت دی۔
واضح رہے کہ چین کے وزیر خارجہ وانگ ای گزشتہ روز تین روزہ دورے پر پاکستان پہنچے ، ان کے ہمراہ وفد میں 3 دیگر وزرا اور اعلی ترین حکام بھی شامل ہیں۔
Share/Save/Bookmark