جمعہ کے دن آیت اللہ شیخ عیسیٰ قاسم کی بیماری کی مکمل معلومات کے حصول کے لئے ان کے مختلف ٹیسٹ کئے گئے
بحرینی مسلمانوں کے روحانی پیشوا اور معروف عالم دین آیت اللہ شیخ عیسیٰ قاسم کے دفتر نشر افکار و آثار المقاوم نے خبر دی ہے کہ لندن میں انکا علاج شروع ہوگیا ہے جس کے پہلے مرحلے میں انکے مختلف ٹیسٹ کئے جارہے ہیں تاکہ انکی بیماری کے بارے میں مکمل معلومات حاصل کی جاسکیں
شیئرینگ :
بحرینی مسلمانوں کے روحانی پیشوا اور معروف عالم دین آیت اللہ شیخ عیسیٰ قاسم کے دفتر نشر افکار و آثار المقاوم نے خبر دی ہے کہ لندن میں انکا علاج شروع ہوگیا ہے جس کے پہلے مرحلے میں انکے مختلف ٹیسٹ کئے جارہے ہیں تاکہ انکی بیماری کے بارے میں مکمل معلومات حاصل کی جاسکیں۔
المقاوم نے مزید اطلاع دی ہے کہ جمعہ کے دن آیت اللہ شیخ عیسیٰ قاسم کی بیماری کی مکمل معلومات کے حصول کے لئے ان کے مختلف ٹیسٹ کئے گئے اور خون کے نمونے لیبارٹری کو بھیجے گئے ہیں۔
واضح رہے کہ آیت اللہ شیخ عیسیٰ قاسم کو دو ہفتوں پہلے ان کے گھر سے کہ جو آل خلیفہ کے کارندوں کے محاصرے میں ہے ایک ایمبولینس کے ذریعے بحرین کے مقامی اسپتال منتقل کیا گیا تھا۔
اسپتال میں آیت اللہ شیخ عیسیٰ قاسم کا ایک آپریشن کیا گیا لیکن اسپتال میں طبی ماہرین کی عدم دستیابی کی وجہ سے آیت اللہ شیخ عیسیٰ قاسم کو بحرین سے باہر لندن کے ایک اسپتال میں منتقل کیا گیا ہے جہاں انکا علاج جاری ہے۔