تاریخ شائع کریں2018 20 June گھنٹہ 06:23
خبر کا کوڈ : 337948

ڈونلڈ ٹرمپ کا چینی درآمدات پر مزید محصولات کے اضافہ کا اعلان

ڈونلڈ ٹرمپ نے چینی درآمدات پر مزید 200 ارب ڈالر کے محصولات عائد کرنے کا حکم جاری کردیا
چینی مصنوعات کی درآمدات پر 10 فیصد اضافے کی شرح سے 200 ارب ڈالر کے محصولات عائد کرنے کی ہدایات جاری کی ہیں۔
ڈونلڈ ٹرمپ کا چینی درآمدات پر مزید محصولات کے اضافہ کا اعلان

امریکی صدر ڈونلڈ ٹرمپ نے چینی درآمدات پر مزید 200 ارب ڈالر کے محصولات عائد کرنے کا حکم جاری کردیا۔

بین الاقوامی میڈیا رپورٹس کے مطابق امریکی صدر نے چین کے ساتھ تجارتی جنگ کو مزید وسیع کرتے ہوئے تجارت کے سرکاری نمائندہ ادارے کو چینی مصنوعات کی درآمدات پر 10 فیصد اضافے کی شرح سے 200 ارب ڈالر کے محصولات عائد کرنے کی ہدایات جاری کی ہیں۔

امریکی صدر نے حکم نامے میں کہا کہ چینی درآمداتی اشیا کی ایک فہرست مرتب کریں جن پر 200 ارب ڈالر مالیت کا اضافی ٹیکس عائد کیا جائے گا، امریکی صدر کا دعویٰ ہے کہ چین حقوق دانش کی مسلسل خلاف ورزیوں کے سلسلے کو برقرار رکھے ہوئے ہے جس سے  امریکی روزگار کی منڈیوں کو شدید مشکلات کا سامنا ہے۔


واضح رہے چین نے اپنی اشیا پر50 ارب ڈالر کی محصولات عائد کرنے کے واشنگٹن کے اقدام کے جواب میں امریکی اشیا پر یکساں ٹیکس عائد کرنے کا اعلان کیا تھا جب کہ چین کی جانب سے سخت ردعمل آنے کے بعد ڈونلڈ ٹرمپ نے نیا حکم نامہ جاری کیا جس میں کہا گیا کہ چین نے امریکی درآمدات پر محصولات عائد کیے تو بیجنگ کی درآمداتی اشیا پر مزید 200ارب ڈالر کے ٹیکس فوری طور پر عائد کردیے جائیں گے۔
https://taghribnews.com/vdcdo50sjyt0sn6.432y.html
آپ کا نام
آپکا ایمیل ایڈریس
سکیورٹی کوڈ