سعودی عرب کا یمن کے مغربی ساحل الحدیدہ پر تیسرا حملہ بھی ناکام

یمن کی اسلامی تنظیم انصار اللہ کے ترجمان محمد عبدالسلام نے کہا ہے کہ سعودی عرب کا یمن کے مغربی ساحل الحدیدہ پر تیسرا حملہ بھی ناکام ہوگیا ہے ۔

العالم کی رپورٹ کے مطابق یمن کی اسلامی تنظیم انصار اللہ کے ترجمان محمد عبدالسلام  نے کہا ہے کہ یمن جنگ میں ایک بھی ایرانی یمنی عوام کی حمایت میں نہیں لڑ رہا۔

انہوں نے کہا کہ اقوام متحدہ کے نمائندے کو جنگ بندی پر اپنی توجہ مرکوز کرنی چاہیے جبکہ پیغامات پہنچانا ان کی ذمہ داری میں شامل نہیں ہے۔

عبدالسلام نے کہا کہ سعودی عرب کی جارح فوج کو الحدیدہ کے تین علاقوں میں محاصرے میں لے لیا گیا ہے اور ان کے تمام ارتباطی راستے کاٹ دیئے گئے ہیں۔

عبدالسلام کا کہنا تھا کہ یمن کی سرزمین پر کوئی ایرانی موجود نہیں ہے یمنی عوام خود اپنے ملک کا دفاع کررہے ہیں جبکہ ایران اسلامی اور اخلاقی بنیادوں پر عالمی سطح پر یمن کے مظلوم عوام کی حمایت کررہا ہے۔