چین ایران سے دو طرفہ اقتصادی تعلقات جاری رکھے گا

چین نے کہا کہ ہم امریکی دباو کے باوجود ایران جوہری معاہدہ اور دوطرفہ اقتصادی تعلقات کی حمایت کو جاری رکھیں گے

چینی اکیڈمی آف سوشل سائنسز برائے عالمی معیشت اور سیاست کے انسٹی ٹیوٹ کے اہلکار وانگ یانگژونگ نے اتوار کے روز ارنا کے ساتھ گفتگو کرتے ہوئے کہا ہے کہ جوہری معاہدے سے امریکہ کی علیحدگی اور واشنگٹن کا دباو اسلامی جمہوریہ ایران اور چین کے درمیان دو طرفہ تعلقات پر کوئی اثر مرتب نہیں کرسکتا ہے.

یانگژونگ نے اس بات پر زور دیا کہ اس سے پہلے ایران کے خلاف عالمی پابندیاں عائد ہوئی تھیں مگر اب جوہری معاہدے سے امریکہ کے نکلنے کے باوجود دوسرے ممالک اس معاہدے کے تحفظ کے لئے پر عزم ہیں ۔

انہوں نے مزید کہا کہ جب تک یورپی ممالک اور روس جوہری معاہدے پر قائم ہیں امریکہ ایران اور چین کے درمیان بڑھتے ہوئے تعلقات پر کوئی دباؤ ڈال نہیں سکتا .

انہوں نے کہا کہ چین ایک خودمختار ملک ہے جو امریکہ کے ایک فریقی قوانین کو عالمی قوانین کے طورپر نہیں مانتا اور ہم ایران کے ساتھ دو طرفہ تعلقات میں عالمی قوانین پر عملدرآمد کرتے ہیں.