سعودی شاہی محل پر سابق ولیعہد محمد بن نائف کے حامیوں نے حملہ کیا

سعودی عرب کی ایک سیاسی شخصیت نے خدشہ ظاہر کیا ہے کہ سعودی شاہی محل پر سابق ولیعہد محمد بن نائف کے حامیوں نے حملہ کیا ہے۔

تفصیلات کے مطابق سعودی عرب کی ایک سیاسی شخصیت غانم الدوسری نے ریاض میں سعودی عرب کے شاہی محل پر فائرنگ کے واقعہ کی مزید تفصیلات بتاتے ہوئے کہا ہے کہ سعودی عرب کے شاہی محل پرسابق ولیعہد  محمد بن نائف کے حامیوں نے حملہ کیا اور وہ کسی بھی وقت شاہی محل پر دوبارہ حملہ کرسکتے ہیں۔

غانم الدوسری کا کہنا ہے کہ سعودی عرب اس اہم واقعہ کو چھپانے کی ناکام کوشش کررہا ہے لیکن اس کی تمام کوششیں ناکام ہوجائیں گی۔

انہوں نے کہا کہ محمد بن سلمان امریکہ کے تمام مطالبات کو تسلیم کرکے اپنے اقتدار کو مضـوط بنانا چاہتا ہے لیکن اسے اندرونی سطح پر شدید مخالفت کا سامنا ہے۔