غوطہ شرقی کو دہشت گردوں سے مکمل پاک کردیا گیا

اتحادیوں کے بزدلانہ میزائل حملوں کے باوجود دہشت گردی کے خلاف جنگ جاری رہے گی۔
شامی فوج کے جوانوں نے دمشق کے نواحی علاقے غوطہ شرقی کو دہشت گردوں سے مکمل پاک کردیا ہے۔
تاریخ شائع کریں : دوشنبه ۲۷ فروردين ۱۳۹۷ گھنٹہ ۰۰:۲۲
موضوع نمبر: 324848
 
شامی فوج کے جوانوں نے دمشق کے نواحی علاقے غوطہ شرقی کو دہشت گردوں سے مکمل پاک کردیا ہے۔

دمشق میں شامی فوج کے جاری کردہ بیان میں کہا گیا ہے کہ شامی فوج نے امریکہ ، برطانیہ اور فرانس کے میزائل حملوں کا مقابلہ کرنے کے ساتھ ساتھ صوبہ ریف دمشق کے غوطہ شرقی ریجن کے تمام شہری اور دیہی علاقوں کو دہشت گردوں کے قبضے سے مکمل طور پر آزاد کرالیا ہے۔

بیان کے مطابق فوج کی انجینیئرنگ کور کے جوان علاقے کو بارودی سرنگوں سے پاک اور سڑکوں سے رکاوٹیں ہٹانے میں مصروف ہیں۔

شامی فوج کے جاری کردہ بیان میں عام شہریوں کے تحفظ کا عزم ظاہر کرتے ہوئے کہا گیا ہے کہ امریکہ اور اس کے اتحادیوں کے بزدلانہ میزائل حملوں کے باوجود دہشت گردی کے خلاف جنگ جاری رہے گی۔
Share/Save/Bookmark