امریکہ اور اس کے اتحادیوں کا شامی حکومت پر کیمیائی ہتھیاروں کے استعمال کا الزام

امریکہ، شام میں طویل مدت موجودگی کی کوشش کر رہا ہے۔ لاوروف
روس پہلے ہی شام میں کیمیائی ہتھیاروں کے استعمال کا دعوی کئے جانے کا امکان ظاہر کر چکا ہے:سرگئی لاوروف
تاریخ شائع کریں : دوشنبه ۲۰ فروردين ۱۳۹۷ گھنٹہ ۲۲:۵۷
موضوع نمبر: 323656
 
روس کے وزیر خارجہ سرگئی لاوروف نے کہا ہے کہ شام کے شہر دوما میں شامی حکومت پر کیمیائی ہتھیاروں کے استعمال کا الزام اشتعال انگیزی ہے۔

ارنا کی رپورٹ کے مطابق روس کے وزیر خارجہ سرگئی لاوروف نے پیر کے روز نامہ نگاروں سے گفتگو میں اس بات کا ذکر کرتے ہوئے کہ روس پہلے ہی شام میں کیمیائی ہتھیاروں کے استعمال کا دعوی کئے جانے کا امکان ظاہر کر چکا ہے، کہا کہ شام میں روسی فوجیوں نے بارہا خبردار کیا ہے کہ اشتعال انگیز اقدامات کی تیاری کی جا رہی ہے تاکہ ایک بار پھر شامی حکومت پر عام شہریوں کے خلاف کیمیائی ہتھیار استعمال کئے جانے کا الزام عائد کیا جا سکے۔

انھوں نے کہا کہ امریکہ، شام میں طویل مدت موجودگی کی کوشش کر رہا ہے۔ لاوروف نے کہا کہ روس کے خلاف یہ پروپیگنڈہ بھی کیا جا رہا ہے کہ روس، شامی حکومت کی جانب سے کیمیائی ہتھیاروں کے استعمال کی حمایت کر رہا ہے۔

واضح رہے کہ شام کے شہر دوما میں دہشت گردوں کی جانب سے کیمیائی ہتھیار استعمال کئے جانے کے نتیجے میں پچہتّر افراد ہلاک اور درجنوں دیگر زخمی ہوئے ہیں جبکہ دہشت گردوں کے حامی امریکہ اور اس کے اتحادیوں کی جانب سے کیمیائی ہتھیاروں کے استعمال کا الزام شامی حکومت پر عائد کیا جا رہا ہے۔
Share/Save/Bookmark