امریکی وزیر خارجہ ریکس ٹلرسن عہدے سے فارغ

سی آئی اے کے ڈائریکٹر مائک پومپیو نئے وزیرخارجہ مقرر / پہلی مرتبہ کسی خاتون کو سی آئی اے کا سربراہ مقرر کردیا گیا
امریکی صدر کا سماجی رابطے کی ویب سائٹ ٹوئٹر پر کہنا تھا کہ ریکس ٹلرسن کی خدمات پر اُن کا شکریہ ادا کرتا ہوں، اب مائک پوم پیو سیکرٹری خارجہ کی ذمہ داری نبھائیں گے
تاریخ شائع کریں : سه شنبه ۲۲ اسفند ۱۳۹۶ گھنٹہ ۱۸:۵۰
موضوع نمبر: 318031
 
امریکی صدر ٹرمپ نے وزیر خارجہ ریکس ٹلرسن کو عہدے سے ہٹاکر ان کی جگہ سی آئی اے کے ڈائریکٹر مائک پومپیو کو نیا وزیرخارجہ مقرر کردیا ہے۔

مائک پومپیو اس سے قبل امریکی تحقیقاتی ادارے سی آئی اے کے سربراہ تھے، جب کہ اُن کی جگہ پہلی مرتبہ کسی خاتون کو سی آئی اے کا سربراہ مقرر کردیا گیا ہے۔

امریکی صدر کا سماجی رابطے کی ویب سائٹ ٹوئٹر پر کہنا تھا کہ ریکس ٹلرسن کی خدمات پر اُن کا شکریہ ادا کرتا ہوں، اب مائک پوم پیو سیکرٹری خارجہ کی ذمہ داری نبھائیں گے، وہ بہترین خدمات فراہم کریں گے، جیسا کہ انہوں نے بطور ڈائریکٹر سی آئی اے خدمات انجام دی تھیں۔

امریکی صدر نے مائک کی جگہ خاتون گینا ہیسپیل کو سی آئی کی کا نیا سربراہ مقرر کردیا ہے۔ امریکی صدر نے کہا کہ سی آئی اے کے عہدے کے لیے ایک خاتون کا انتخاب قابل ستائش ہے، جو کہ امریکا میں پہلی بار ہونے جا رہا ہے جس پر سب کو مبارک باد پیش کرتا ہوں۔

واضح رہے کہ امریکی صدر اور وزیر خارجہ ریکس ٹلرسن کے درمیان اختلافات کی خبریں کئی دنوں سے گردش کرر ہی تھیں، ٹلرسن نے یکم فروری 2017ء میں عہدہ سنبھالا تھا جب کہ چند روز قبل ٹرمپ کے مشیر تجارت نے بھی استعفیٰ دے دیا تھا۔
Share/Save/Bookmark