برطانوی وزیر خارجہ کا اپنے ایرانی ہم منصب سے ٹیلی فونک رابطہ

حملے کے حوالے سے برطانوی دفترخارجہ کو پیشگی اطلاع دی تھی
لندن میں ایرانی سفارتخانے کے حکام نے گزشتہ چند ماہ کے دوران بار بار ایرانی سفارت خانے کے سامنے پولیس سٹیشن کے قیام کا مطالبہ کیا تھا
تاریخ شائع کریں : دوشنبه ۲۱ اسفند ۱۳۹۶ گھنٹہ ۱۷:۵۴
موضوع نمبر: 317730
 
ایرانی سفارتخانے کے سیکورٹی حکام نے گزشتہ دنوں سفارتخانے پر انتہاپسندوں کی جانب سے ہونے والے حملے کے حوالے سے برطانوی دفترخارجہ کو پیشگی اطلاع دی تھی جس پر برطانیہ کے حکام نے تحفظ کی فراہمی پر یقین دہانی کرائی تھی.

علاءالدین بروجردی نے آج بروز پیر لندن میں واقع ایرانی سفارتخانے کے حالیہ حملے کے حوالے سے گفتگو کرتے ہوئے کہا کہ لندن میں ایرانی سفارتخانے کے حکام نے گزشتہ چند ماہ کے دوران بار بار ایرانی سفارت خانے کے سامنے پولیس سٹیشن کے قیام کا مطالبہ کیا تھا لیکن برطانوی حکام نے کہا تھا کہ اس کام کو کوئی ضرورت نہیں کیونکہ ہم سفارتی مقامات کی سیکورٹی کو برقرار رکھیں گے اور اس حوالے سے فکر نہ کریں.

انہوں نے بتایا کہ یقینی طور پر برطانوی حکومت اس واقعے کا ذمہ دار ہے۔ ایرانی رکن مجلس نے کہا کہ برطانوی وزیر خارجہ نے اپنے ایرانی ہم منصب کے ساتھ ایک ٹیلی فونک رابطے میں ایرانی سفارتخانے میں حالیہ واقعے پر معافی مانگ لی ہے.

یاد رہے کہ گزشتہ دنوں میں ایک شیعہ شدت پسند گروہ شیرازی فرقے نے لندن میں ایران کے سفارت خانے پر حملے کے دوران سفارت خانے کے بالکونی تک انہوں نے قبضہ کیا تھا. پولیس کی کاروائی میں بعض شیرازی فرقہ پرست عناصر گرفتار ہوئے.
Share/Save/Bookmark