ایران کے وزیر خارجہ کی وزیراعظم پاکستان سے ملاقات

جواد ظریف گزشتہ روز تین روزہ دورے پر پاکستان پہنچے ہیں
ایران کے وزیر خارجہ اور وزیراعظم پاکستان کے درمیان پیر کے روز اسلام آباد میں ملاقات ہوئی ہے۔
تاریخ شائع کریں : دوشنبه ۲۱ اسفند ۱۳۹۶ گھنٹہ ۱۷:۲۴
موضوع نمبر: 317727
 
اسلامی جمہوریہ ایران کے وزیر خارجہ محمد جواد ظریف اور وزیراعظم پاکستان کے درمیان پیر کے روز اسلام آباد میں ملاقات ہوئی جس میں فریقین نے دوطرفہ روابط اور خطے کی تازہ ترین صورتحال پر تبادلہ خیال کیا.

اسلامی جمہوریہ ایران کے وزیر خارجہ محمد جواد ظریف جو گزشتہ روز تین روزہ دورے پر پاکستان پہنچے تھے آج وزیر اعظم ہاؤس میں شاہد خاقان عباسی سے ملاقات کی انہوں نے اس موقع پر پاک ایران تعلقات اور علاقائی مسائل پر تبادلہ خیال کیا.

فریقین نے اس موقع پر ایران اور پاکستان کے درمیان مختلف شعبے بشمول اقتصادی اور تجارتی شعبوں میں تعاون کو وسعت دینے پر زور دیا.

اسلام آباد میں اپنے قیام کے دوران ظریف پاکستان کی سیاسی اور عسکری قیادت سے اہم ملاقاتیں کریں گے.

یہ بات قابل ذکر ہے کہ ایرانی وزیر خارجہ کے اس دورے کا مقصد دونوں برادر ملکوں کے درمیان اقتصادی تعاون کو فروغ دینا ہے.

ظریف کا یہ دورہ گزشتہ ستمبر میں ان کے پاکستانی ہم منصب خواجہ محمد آصف کے دورہ ایران کے جواب میں کیاجارہا ہے.
Share/Save/Bookmark