امریکی حکام ایران کے خلاف بے بنیاد الزامات لگا رہے ہیں.
ایرانی دفتر خارجہ کے ترجمان نے کہا ہے کہ سابق ایف بی آئی افسر نے ہمارے ملک کا دورہ کیا اور اس کے بعد وہ واپس چلے گئے اب اس کے بارے میں ہمارے پاس کوئی معلومات موجود نہیں ہیں.
یہ بات بہرام قاسمی نے گزشتہ روز لاپتہ امریکی شہری رابرٹ لوینسن کے لاپتہ ہونے کے حوالے سے امریکی وزارت خارجہ کے ایران مخالف بیان پر اپنے ردعمل کا اظہار کرتے ہوئے کہی.
بہرام قاسمی نے لوینسن کے خاندان کی مدد کے لئے اسلامی جمہوریہ ایران کے انسانی موقف پر زور دیتے ہوئے کہا کہ ہم نے اس حوالے سے امریکی حکومت کو کوئی وعدہ نہیں دیا.
قاسمی نے کہا کہ اس سے پہلے امریکی حکام نے جنوبی ایشیا کے ایک حصہ میں لوینسن کی موجودگی کی تصدیق کی مگر اب ایران کے خلاف بے بنیاد الزامات لگا رہے ہیں اور ہم نے کبھی بھی انسانی مدد سے دریغ نہیں کیا.
ایرانی وزارت خارجہ کے ترجمان نے کہا کہ ایرانی شہریوں کے حوالے سے امریکہ غیر انسانی موقف اختیار کر لیتا ہے مگر اسلامی جمہوریہ ایران نے ایف بی آئی کے سابق افسر کے حوالے سے ہرممکن مدد فراہم کی.