شام میں دہشت گردوں کی جانب سے کیمیائی ہتھیاروں کا استعمال

بشار جعفری کا اقوام متحدہ کے حکام کی جانب سے شام میں لاپرواہی برتے جانے پر افسوس کا اظہار
شام میں دہشت گرد گروہوں کی جانب سے عام شہریوں کے خلاف کیمیائی ہتھیاروں کا استعمال کیا جا رہا ہے:بشار جعفری
تاریخ شائع کریں : شنبه ۱۹ اسفند ۱۳۹۶ گھنٹہ ۲۰:۵۹
موضوع نمبر: 317350
 
اقوام متحدہ میں شام کے نمائندے بشار جعفری نے اعلان کیا ہے کہ شام نے دہشت گردوں کی جانب سے کیمیائی ہتھیاروں کے استعمال کے بارے میں اقوام متحدہ کو ایک سو چالیس بار تحریری طور پر آگاہ کیا ہے

اقوام متحدہ میں شام کے نمائندے بشار جعفری نے روسی خبر رساں ایجنسی سے گفتگو میں کہا ہے کہ شام کی حکومت نے اقوام متحدہ، سلامتی کونسل اور کیمیائی ہتھیاروں کے استعمال پر پابندی کی تنظیم کو بارہا مراسلے ارسال کئے ہیں جن میں کہا گیا ہے کہ دہشت گرد گروہوں کی جانب سے عام شہریوں کے خلاف کیمیائی ہتھیاروں کا استعمال کیا جا رہا ہے۔

اقوام متحدہ میں شام کے نمائندے نے اس جانب اشارہ کرتے ہوئے کہ گذشتہ بائیس فروری کو ترکی کی باب الہوی سرحدی گذرگاہ سے زہریلی گیس کے ٹینکر داخل ہوئے ہیں کہا کہ  یہ مواد دہشت گردوں کو فراہم کیا گیا تاکہ وہ اپنے زیر قبضہ علاقوں میں عام شہریوں کے خلاف اس زہریلی گیس کا استعمال کریں۔

بشار جعفری نے اس سلسلے میں اقوام متحدہ کے حکام کی جانب سے لاپرواہی برتے جانے پر افسوس کا اظہار کرتے ہوئے کہا کہ اس قسم کے اقدام کا مقصد شامی حکومت کے خلاف نئی اسٹریٹیجی تیار کرنا ہے۔

 
 
 
 
 
 
 
Share/Save/Bookmark