برکینا فاسو: فرانسیسی سفارت خانے اور آرمی ہیڈ کوارٹرز پر حملہ

28 افراد ہلاک اور 75 زخمی/ فوج نے مقابلے میں کئی دہشت گردوں کو ہلاک کردیا
جس وقت حملہ آوروں نے آرمی ہیڈ کوارٹرز پر حملہ کیا تو اسی دوران 5 حملہ آوروں نے وزیراعظم ہاؤس پر حملہ کر کے فرانسیسی سفارتخانے میں گھسنے کی کوشش کی
تاریخ شائع کریں : شنبه ۱۲ اسفند ۱۳۹۶ گھنٹہ ۱۶:۱۲
موضوع نمبر: 315832
 
افریقی ملک برکینا فاسو میں دہشتگردوں نے فرانسیسی سفارت خانے اور آرمی ہیڈ کوارٹرز پر حملہ کیا جس کے نتیجے میں 28 افراد ہلاک اور 75 زخمی ہو گئے۔

دہشت گردوں نے پہلے دارالحکومت اوگا ڈوگو میں وزیراعظم ہاؤس کے قریب فوجی ہیڈ کوارٹرز میں دھماکا کیا اور پھر فرانسیسی سفارتخانے پر بھی دھاوا بولا۔ فوجی ہیڈ کوارٹرز پر حملے میں 28 افراد ہلاک اور 75 زخمی ہوگئے جب کہ برکینا فاسو کی فوج نے مقابلے میں کئی دہشت گردوں کو بھی ہلاک کیا۔

خبر ایجنسی کے مطابق حملے میں 9 دہشت گرد اور 7 فوجی ہلاک ہوئے ہیں۔ جس وقت حملہ آوروں نے آرمی ہیڈ کوارٹرز پر حملہ کیا تو اسی دوران 5 حملہ آوروں نے وزیراعظم ہاؤس پر حملہ کر کے فرانسیسی سفارتخانے میں گھسنے کی کوشش کی۔ فرانس کے وزیر خارجہ جین یس لی ڈرین نے سفارتخانے پر حملے کی تصدیق کی ہے۔
Share/Save/Bookmark