ایران کے خلاف اپنی سرزمین استعمال کرنے کی ہرگز اجازت نہیں دیں گے
الحشد الشعبی کے ایک گروپ گزشتہ دنوں کرکوک کے جنوبی علاقے السعدونیہ کی جانب گئے تھے جہاں راستے میں دہشتگردوں نے پہلے سے طے شدہ منصوبے کے تحت ان پر حملہ کیا جس کے نتیجے میں 27 اہلکار جاں بحق ہوگئے
شیئرینگ :
عراق کے وزیراعظم نے کہا ہے کہ نیٹو کو ایران کے خلاف اپنی سرزمین استعمال کرنے کی ہرگز اجازت نہیں دی جائے گی.
وزیر اعظم حیدر العبادی نے اپنی ہفتہ وار پریس بریفینگ کے دوران کہا کہ انہوں نے شمالی عراق میں گزشتہ دنوں دہشتگردوں کے ہاتھوں عوامی رضاکار فورس الحشد الشعبی کے 27 اہلکاروں کے قتل کی تحقیقات کا حکم دیا ہے.
انہوں نے مزید کہا کہ ہم یہ معلوم کررہے ہیں کہ الحشد الشعبی کے اس گروپ کو شمالی عراق کے علاقے السعدونیہ بھیجا گیا تھا.
یاد رہے کہ الحشد الشعبی کے ایک گروپ گزشتہ دنوں کرکوک کے جنوبی علاقے السعدونیہ کی جانب گئے تھے جہاں راستے میں دہشتگردوں نے پہلے سے طے شدہ منصوبے کے تحت ان پر حملہ کیا جس کے نتیجے میں 27 اہلکار جاں بحق ہوگئے.
عراق پارلیمنٹ کی سلامتی اور دفاعی کمیٹی کے چیئرمین حاکم الزاملی کا کہنا ہے کہ ایک شخص جو الحشد الشعبی کے ساتھ کام کرتا تھا وہ دہشتگردوں کے ساتھ بھی رابطے میں تھا جو رضاکار فوس کے ایک گروہ کو السعدونیہ کے علاقے میں لایا جہاں انہیں پہلے سے طے شدہ منصوبے کے تحت شہید کردیا گیا.