سعودی عرب فوجی دستے معاہدے کے تحت بھیجے

پاکستان کے وفاقی وزیر داخلہ احسن اقبال نے کہا ہے کہ سعودی عرب فوجی دستے معاہدے کے تحت بھیجے، وہ جنگ کا حصہ نہیں بنیں گے۔

احسن اقبال نے کہا کہ عدلیہ ریاست کا اہم ستون ہے جس کا احترام کرتے ہیں اور پارلیمنٹ کا بھی احترام کیا جانا چاہیے ،حکومت کی کوشش ہے کہ ایگزٹ کنٹرول لسٹ کو سیاسی آلہ کار نہ بنایا جائے، شریف خاندان بارے فیصلہ میرٹ پر ہو گا، پاکستان کو واچ لسٹ میں ڈالنے کی کوشش سیاسی عمل ہے جو کچھ مقاصد کیلئے دبائو ڈالنے کی کوشش ہے، ایسا کرنا پاکستان کی دہشت گردی کیخلاف جنگ کو نقصان پہنچانے کے مترادف ہو گا۔

انسٹیٹیوٹ آف چارٹرڈ اکائونٹنٹس پاکستان کے زیر اہتمام چین پاکستان اقتصادی راہداری کے موضوع پر منعقدہ کانفرنس سے خطاب میں احسن اقبال نے کہاکہ عدلیہ ریاست کا اہم ستون ہے جس کا احترام کرتے ہیں اور پارلیمنٹ کا بھی احترام کیا جانا چاہیے۔

انہوں نے کہا کہ عدلیہ سے توقع رکھتے ہیں کہ وہ کسی بھی سیاسی تنازع سے بالاتر ہو کر اپنا کام کریگی۔

انہوں نے کہا کہ سعودی عرب میں آرمی کے چند دستے بھیجے گئے جو پاکستان سعودی عرب کا ایک دفاعی معاہدہ ہے اور یہ دستے کسی جنگ کا حصہ نہیں بنیں گے۔