ایرانی نائب صدر کی پاکستانی وزیر برائے دفاعی پیداوار سے ملاقات
ایران دوطرفہ اور علاقائی سطح پر برادر ملک پاکستان کے ساتھ تعلقات کو بڑھانے کا خواہاں ہے
سینئر نائب ایرانی صدر نے کہا ہے کہ اسلامی جمہوریہ ایران کی جانب سے پاکستان کے ساتھ دفاعی اور عسکری شعبوں میں تعاون بڑھانے کے لیے کوئی حد مقرر نہیں ہے
شیئرینگ :
سینئر نائب ایرانی صدر نے کہا ہے کہ اسلامی جمہوریہ ایران کی جانب سے پاکستان کے ساتھ دفاعی اور عسکری شعبوں میں تعاون بڑھانے کے لیے کوئی حد مقرر نہیں ہے.
ان خیالات کا اظہار 'اسحاق جہانگیری' نے بدھ کے روز ایران کے دورے پر آئے ہوئے پاکستانی وزیر برائے دفاعی پیداوار 'رانا تنویر حسین' کے ساتھ ایک ملاقات میں گفتگو کرتے ہوئے کیا.
اس موقع پر انہوں نے کہا کہ ایران کی جانب سے پاکستان کے ساتھ دفاعی اور عسکری شعبوں میں تعاون بڑھانے کے لئے کوئی حد مقرر نہیں ہے.
اسحاق جہانگیری نے کہا کہ پاکستان اور ایران برادر اور ہمسایہ ملک ہیں جن کے درمیان مذہبی، تاریخی اور ثقافتی مشترکات موجود ہیں.
انہوں نے اس عظم کا اعادہ کیا ہے کہ ایران دوطرفہ اور علاقائی سطح پر برادر ملک پاکستان کے ساتھ تعلقات کو بڑھانے کا خواہاں ہے.
سینئر نائب ایرانی صدر نے کہا کہ کوئی بھی ملک پاک ایران تعلقات کو متاثر نہیں کر سکتا.
خطے میں بڑتی ہوئی دہشت گردی کا حوالہ دیتے ہوئے اسحاق جہانگیری نے کہا کہ امریکہ اور ناجائز صہیونی ریاست خطے میں دہشت گردوں کی حمایت کر رہے ہیں جس کی وجہ سے صورتحال مزید خراب ہوتی جا رہی ہے.
انہوں نے ایران اور پاکستان کے دفاعی اور عسکری حکام کے درمیان وفود کے تبادلوں پر اطمینان کا اظہار کرتے ہوئے کہا ہے کہ ان شعبوں میں تعاون کو مزید بڑھانے کی ضرورت ہے.