مسلم سربراہوں کا بیت المقدس کو فلسطینی دارالحکومت تسلیم کرنا خوش آئند ہے
رسول اللہ صلی اللہ علیہ وآلہ وسلم کی ختم نبوت اور ناموس پر کوئی صاحبِ ایمان سودے بازی نہیں کر سکتا
مقبوضہ بیت المقدس کو غاصب صیہونی حکومت کا دارالحکومت قرار دینے کے امریکی صدر کے فیصلے کے خلاف پوری دنیا میں احتجاج اور مذمتی بیانات کا سلسلہ جاری ہے
شیئرینگ :
مقبوضہ بیت المقدس کو غاصب صیہونی حکومت کا دارالحکومت قرار دینے کے امریکی صدر کے فیصلے کے خلاف پوری دنیا میں احتجاج اور مذمتی بیانات کا سلسلہ جاری ہے۔
پاکستان کی نامور سیاسی شخصیت جماعت اسلامی پاکستان اور ملی یکجہتی کونسل کے سیکرٹری جنرل لیاقت بلوچ کہا ہے کہ ترکی کی دعوت پر مسلم سربراہوں کے او آئی سی اجلاس میں مقبوضہ بیت المقدس کو فلسطینی دارالحکومت تسلیم کرنا خوش آئند ہے۔
انہوں نے مزید کہا کہ رسول اللہ صلی اللہ علیہ وآلہ وسلم کی ختم نبوت اور ناموس پر کوئی صاحبِ ایمان سودے بازی نہیں کر سکتا، محسن انسانیت(ص) سے محبت اور عشق کا تقاضا ہے کہ امت کو متحد کیا جائے، مسالک کی بنیاد پر تقسیم سے بچا جائے وگرنہ یہ روش اہل ایمان کیلئے بڑے خطرات کا باعث بنے گی۔