تقريب خبررسان ايجنسی 24 Sep 2021 گھنٹہ 21:51 http://www.taghribnews.com/ur/news/520076/یمن-کی-مسلح-افواج-کے-ترجمان-نے-البیضاء-صوبے-مکمل-آزادی-خبر-دی-ہے -------------------------------------------------- ٹائٹل : یمن کی مسلح افواج کے ترجمان نے البیضاء صوبے کی مکمل آزادی کی خبر دی ہے -------------------------------------------------- یمن کی مسلح افواج کے ترجمان یحیی السریع نے اسٹراٹیجک صوبے البیضاء کی آزادی کا مکمل اعلان کرتے ہوئے اس صوبے القاعدہ، داعش اور سعودی عرب کے اتحادیوں کے خلاف میزائل اور ڈرون آپریشن کی تفصیلات بیان کی۔ متن : یمن کی مسلح افواج کے ترجمان نے اسٹراٹیجک اہمیت کے حامل البیضاء صوبے کی مکمل آزادی کی خبر دی ہے۔ یمن کی مسلح افواج کے ترجمان یحیی السریع نے اسٹراٹیجک صوبے البیضاء کی آزادی کا مکمل اعلان کرتے ہوئے اس صوبے القاعدہ، داعش اور سعودی عرب کے اتحادیوں کے خلاف میزائل اور ڈرون آپریشن کی تفصیلات بیان کی۔ انہوں نے یمن کے عوام کو انقلاب کی سالگرہ کی مبارکباد پیش کرتے ہوئے 21 ستمبر کے دن کو آزادی و خودمختاری کی عید کی حیثیت سے یاد کیا۔ المسیرہ چینل نے رپورٹ دی کہ یمن کی مسلح افواج کے ترجمان بریگیڈیر جنرل یحیی السریع کا کہنا تھا کہ فجرالحریہ نامی آپریشن میں سب سے پہلے سعودی عرب کے اتحادی القاعدہ اور داعش کے عناصر کو نشانہ بنایا گیا اور یمنی فوج نے گزشتہ 48 گھنٹے کے دوران الصومعہ، مسورہ اور مکیراس کے کچھ علاقوں کو آزاد کرا لیا جس کی رقبہ 2700 کیلومیٹر مربع ہے۔ ان کا کہنا تھا کہ یمنی فوج اور رضاکار فورس کی پیشرفت کو روکنے اور تکفیری عناصر کو بچانے کے لئے سعودی اتحاد نے 30 سے زائد فضائی حملے کئے جبکہ ہماری میزائل اور ڈرون یونٹ نے اس دوران دشمنوں کے ٹھکانوں پر نشانہ بنانےکے لئے 10 بار حملے کئے۔